zahra3lsabbar's Journal, 20 April 2018

ابعدى عن البقوليات كلها والمسبكات وكلى خس كتير والخيار تاكليه من غير قشرة خالص وليكى طماطميه واحدة في اليوم وتمنعى والتوابل كلها والتوم والبصل تحاولى بقدر الامكان تقللي منهم جدا عشان هما الى بيتعبو القولون لو ماشيه على علاج للقاولون خديه قبل كل وجبه بنص ساعه واهم من العلاج الاكل انا كان القولون عندى مدمر وكان عندى جرثومه المعدة وكل دة بسبب الاكل الغلط الى المصرين كلهم بيعملوه كثرة التوابل والمسبكات الكتير تفللي منهم بجد عشان بيتعبو جامد انتى لو مشيتي على نظام في الاكل وملغبطيش واكل يهدى القولون هترتاحى وربنا يشفيكى يارب ويشفي كل مريض  

انا كنت باكل اى حاجه ومبيهنيش واتغدا برة كتير مع صحابي في الجامعه والسبب في جرثومه المعدة دى اكل برة طبعا لحد ما روحت للدكتور شاطر وكتبلى علاج ليها وللقولون ونظام اكل ماشيه عليه بقالى شهر لحد ما اتعودت عليه بجد القولون بقي احسن الحمدلله واليوم الى بلغبط في واعك ضميرى بقي يانبنى وبتعب جامد ونسيت اقولك برضو اهم حاجه منتجات الالبان كلها والجبن كلى جبن قليله الدسم والزبادى برضو خالى الدسم وجبنه قريش لو بتحبي ياعنى منتجات الجبن والالبان عايزة تاكليها كليها خاليه الدسم خالص ولو عايزة تاخدى علاج للقولون جيبي چاست ريج بجد هايل جدا واساليه عليه في الصيدليه وهيريحك ان شاءالله  

boba اسوء حاجة الخس خلي بالك يوم ماباكله بروح المستشفي كل داه منعاه والبقوليات مقلاه منها خالص تقريبا مش باكلها الا قليل قوي والخيار برضه حتي لو مقشر بيتعبني جدا ربنا يشفي كل مريض 

انا الحمد لله معدتي بقت احسن من وقت ما منعت المسبكات والدسم والخضروات المهيجة للقولون والالبان والجبن والزبادي باكله فعلا خالي الدسم باعمل الاكل بمعلقة زيت واحدة كل فترة كبيرة ياعني مش دايم الاكل كله بدون دهون بقيت اختار اكلي بعنايه ومنعت الرده العيش السن او اي عيش بيحتوي علي رده لانه متعب جدا جدا للقولون خلي بالك ويارب يقوي ارادتنا ونخس بصحة وعافيه 

بالعكس الخس مفيد جدا للقاولون اى حاجه ورقيه تانيه بتتعب والدكتور الى قالى كدا وكمان ملين طبيعي جدا للحركه الامعاء والقولون والخيار اة لازم من غير قشرة وممكن تكون بتفرق من شخص للتانى  

ايوة فعلا بتفرق من شخص للتاني الدكتور كان بيقولي مش سرط الي يتعبك يتعب غيرك جربي اي اكل والي يتعبك حطيه في قايمة الممنوعات وفعلا منعت حاجات كتير الحليب الساده العسش بالردة باخد بلدي بيكون كويس مافيهوش ردة كتير المسبكات كل الخضار الني كل الخضروات الورقيه قشر التفاح الخيار حتي لو مقشر القرنبيط الملوخية البطيخ وكتير كتير منعته 

انا برضو كدا منعت الحاجات دول بس البطيخ لسه مش عارف 😂 والبصل والتوم والقرنبيط والفول والطعميه والتوابل دول اهم حاجه حاولى متحطيش غير ملح بس في الاكل الى هتاكليه وجربي الخضار تاكليه سوتيه افيد وصحى جدا والكوسه مفيدة جدا بس من غير بذر ولو افتكرت حاجات تانيه هقولك 😂 

ان شاء الله بس انا ماقدرش محطش توابل الاكل هايبقي غير مقبول خالص 

العيش بجميع انواعه ...اي حاجة بدقيق بتتعبني جامد لدرجة اقعد اصرخ من الالم 

جربتي العيش الابيض ؟ بينصحوا بيه مرضي القولون 

🔰 دليل الأنظمة الغذائية للأشخاص الذين يعانون من متلازمة القولون العصبي IBS Diet Guide - مقال مهم جداً 😄💪 متلازمة القولون العصبي Irritable bowel syndrome (IBS) هو إضطراب غير مريح بيحصل فيه تغيرات دراماتيكية في حركة الأمعاء، بعض الناس يعانون من الإسهال، في حين أن البعض الآخر بيحصل له إمساك، وتشنجات وآلام في البطن ممكن تخلي يومك صعب جداً للأسف. 😥😨 👈 اتكلمنا فى المقال السابق عن الممنوعات في النظام الغذائي للناس اللي بيعانوا من القولون العصبي: 1- الألياف غير القابلة للذوبان Insoluble Fiber 2- الجولتين Gluten 3- منتجات الألبان Diary 🧀 4- الأطعمة المقلية Fried Foods 🍟 5- الفاصوليا والبقوليات Beans and Legumes 6- المشروبات التي تحتوي على الكافيين Caffeinated Drinks ☕️ 7- الأطعمة المصنعة Processed Foods 🌭 8- المحليات خالية من السكر Sugar-free Sweeteners 9- الشوكولاتة Chocolate 🍫🍬 10- الكحول Alcohol 🥂🍻🍺 11- الثوم، والبصل Garlic and Onions 12- البروكلي والقرنبيط Broccoli and Cauliflower التدخين كمان بيأثر سلبياً علي القولون العصبي التدخل الطبي مهم في علاج القولون العصبي، لكن هل تعلم في أنظمة غذائية قد تحسن أعراض القولون العصبي حسب حالتك؟ 🤔🧐 هنتكلم في المقال دا عن الأنظمة الغذائية الأكثر شيوعاً للحد من الأعراض الغير مريحة بسبب متلازمة القولون العصبي، الأنظمة الغذائية دي هدفها انها تساعدك فى تحقيق هدفك سواء تنزيل الدهون أو زيادة الوزن بشكل صحي وآمن تماماً بالنسبة للقولون العصبي. بمعني انك هتعمل دايت حسب هدفك، تحسب احتياج جسمك من السعرات الحرارية وتقلل منها أو تزود عليها حسب هدفك سواء تضخيم أو تنشيف أو تنزيل دهون عادي. 1- النظام الغذائي عالي الألياف High-fiber Diet الألياف بتساعد على تقليل أعراض الإسهال، وبتساعد علي سهولة حركة الأكل في الأمعاء، لذلك ينبغي علي الشخص البالغ أن يتناول من 20 إلى 35 جرام من الألياف يومياً. الكمية بسيطة جداً بس مع ذلك المعهد الوطني لمرض السكري وأمراض الجهاز الهضمي والكلى بيقدر إن معظم الناس بياكلوا 5-14 جرام فقط في اليوم الواحد. الأطعمة الغنية بالألياف المغذية جداً للجسم وبتساعد على منع الإمساك زي الفواكه والخضراوات والحبوب الكاملة. ومع ذلك، لو حصل لك إنتفاخ من زيادة تناول الألياف، حاول التركيز فقط على الألياف القابلة للذوبان الموجودة جدت في الفواكه والخضروات بدلاً من الحبوب. 2- النظام الغذائي منخفض الألياف Low-fiber Diet في حين أن الألياف ممكن تساعد بعض الناس اللي عندهم القولون العصبي، فإن زيادة تناول الألياف يمكن أن تزيد من الأعراض لو بيجيلك كتير إسهال وغازات. قبل ما تلغي الألياف تماماً من النظام الغذائي بتاعك، ركز الأول على مصادر الألياف القابلة للذوبان الموجودة في التفاح والتوت والجزر، ودقيق الشوفان. الألياف القابلة للذوبان بتذوب في الماء بدلاً من إضافة كتلة في الأمعاء من الألياف غير قابلة للذوبان. وتشمل المصادر الشائعة للألياف غير القابلة للذوبان الحبوب الكاملة والمكسرات والطماطم والزبيب والقرنبيط والملفوف. ممكن تفكر كمان في تناول الأدوية المضادة للإسهال قبل 30 دقيقة من تناول الألياف للحد من الآثار. الطريقة دي مفيدة بشكل خاص عند تناول الطعام في المطاعم وأثناء التنقل والسفر. ومع ذلك، ماتخليش الموضوع دا عادة. 3- النظام الغذائي الخالي من الجلوتين Gluten-free Diet الجلوتين هو البروتين الموجود في منتجات الحبوب زي الخبز والمكرونة، يمكن للبروتين أن يضر الأمعاء للناس اللي عندهم مشاكل في القولون بسبب الجلوتين. الحساسية أو عدم تحمل الجلوتين بيسببوا مشاكل القولون العصبي عن بعض الناس. في الحالات دي، اتباع نظام غذائي خال من الجلوتين قد يقلل من الأعراض. إلغي الشعير والقمح من النظام الغذائي الخاص بك وراقب نفسك علشان تعرف المشاكل بسبب الجلوتين ولا لا. لو عندك حساسية من الخبز والمعكرونة، لسه في أمل؛ دور على بدائل خالية من الجلوتين من المنتجات المفضلة لديك في متاجر الأطعمة الصحية والعديد من محلات البقالة المعروفة زي الهايبرات الكبيرة. 4- النظام الغذائي الإقصائي Elimination Diet يركز هذا النظام الغذائي على تجنب أو إقصاء بعض الأطعمة لفترة طويلة من الزمن لمعرفة ما إذا كان أعراض القولون العصبي الخاص بك تتحسن أو لا. توصي المؤسسة الدولية لاضطرابات الجهاز الهضمي (IFFGD) بقطع الجناة الأربعة تماماً: القهوة والشوكولاتة والألياف غير القابلة للذوبان والمكسرات. ومع ذلك، لازم تتخلى عن أي طعام بتحس انه بيعمل لك مشاكل فى القولون. خلي الموضوع بالتدريج إلغي تماماً نوع واحد من الأكل اللي بيعمل لك مشاكل من النظام الغذائي الخاص بك لمدة 12 أسبوع، لاحظ وسجل أي اختلافات في أعراض القولون العصبي الخاص بك وبعد كدا انتقل إلى نوع تاني من المشكوك فيهم والغيه وهكذا. 5- النظام الغذائي منخفض الدهون Low-fat Diet من المعروف أن الأطعمة عالية الدهون لها دور كبير في مجموعة متنوعة من المشاكل الصحية، مثل السمنة. الدهون العالية ممكن تسبب مشاكل للناس اللي بيعانوا من القولون العصبي عن طريق زيادة الأعراض. الأطعمة عالية الدهون عموماً بتكون منخفضة في الألياف، ودا ممكن يعمل إمساك للناس اللي عندهم القولون العصبي. وفقا ل كليفلاند كلينيك، الأطعمة الدهنية هي سيئة للغاية بالنسبة للأشخاص الذين يعانون من القولون العصبي المختلط، والذي يتميز بمزيج من الإمساك والإسهال. إتباع نظام غذائي منخفض الدهون هيكون جيد لقلبك وبيساعد علي تحسين مشاكل الأمعاء. بدلاً من تناول الأطعمة المقلية والدهون الحيوانية، ركز على تناول اللحوم الخالية من الدهون والفواكه والخضروات والحبوب ومنتجات الألبان قليلة الدسم. 6- النظام الغذائي منخفض الفودمابس Low FODMAP Diet فودمابس FODMAPs هي الكربوهيدرات التي يصعب على الأمعاء هضمها. هذه الكربوهيدرات تسحب المزيد من المياه إلي الأمعاء، والناس الذين يعانون من القولون العصبي قد تواجه المزيد من الغازات، والإنتفاخات، والإسهال بعد تناول هذه الأطعمة. الحد من تناول الأطعمة اللي بتحتوي على هذه الكاربوهيدرات FODMAP لمدة 6 إلى 8 أسابيع قد تحسن أعراض القولون العصبي الخاص بك. من المهم جداً انك تكون عارف ان الكربوهيدرات مش كلها فودمابس، وعلشان تحصل علي أفضل النتائج، لازم تلغي الأطعمة دي من النظام الغذائي بتاعك: 🔹اللاكتوز (الحليب، الآيس كريم، الجبن، الزبادي) 🔹بعض الفواكه (الخوخ، البطيخ، الكمثرى، المانجو، التفاح، الخوخ، النكتارين) 🔹البقوليات 🔹شراب الذرة عالي الفركتوز 🔹المحليات 🔹الخبز القائم على القمح، والحبوب، والمكرونة 🔹الكاجو والفستق 🔹بعض الخضراوات (الخرشوف، الهليون، البروكلي، البصل، براعم بروكسل، القرنبيط، الفطر) نضع في اعتبارنا أنه في حين أن هذا النظام الغذائي يلغي بعض الفواكه والمكسرات والخضروات، ومنتجات الألبان، فإنه لا يلغي جميع الأطعمة من هذه الفئات. لو بتشرب الحليب، اختار الحليب الخالي من اللاكتوز أو بدائل أخرى مثل حليب الصويا والأرز. لتجنب الأنظمة الغذائية المقيدة بشكل مفرط، راجع طبيب التغذية الخاص بك قبل البدء في هذا النظام الغذائي. ✔️ أفضل نظام غذائي 😄💪 بعض الأطعمة يمكن أن تساعد في تخفيف أو منع مشاكل القولون العصبي، ولكن كل شخص مختلف عن التاني. لازم تراقب الأعراض وتراجع الطبيب المختص قبل البدء في اتباع أي نظام غذائي جديد. لازم تشوف ازاي جسمك بيتفاعل مع بعض أنواع الأكل المختلفة خصوصاً اللي اتكلمنا عنهم. وفقا للمعهد الوطني للصحة، يجب عليك شرب الكثير من الماء، وممارسة التمارين الرياضية بانتظام، والحد من تناول الكافيين والتدخين لتعزيز انتظام وتقليل أعراض القولون العصبي. 💥 الإستنتاج المهم جداً: مش معني انك عندك قولون عصبي انك تمنع كل أنواع الأكل دي، اعرف جسمك وجرب وشوف ورأيي تجربوا آخر نوع دايت النظام الغذائي منخفض الفودمابس Low FODMAP Diet لأنه مناسب جداً لمعظم الناس 😄💪 إدعولي يا شباب، ربنا يعلمنا ويعلمكم 😄🤲🙏🙏🙏🙏 منقول من كابتن mysara ل  

شكرا لك هاقراه