Eng.'Mohamed''s Journal, 27 September 2023

مش لازم تتحول ل machine يا هندسة .. عادي تبقا صديق نفسك وترأف بيها بردو..، الضغط مش حلو +ممكن نركز عادي وإحنا في نفس الوقت مرتاحين وبالنا رايق 

احيانا بنكون مضغوطين لدرجة صعبه جدا في الفترة دي لو معودتش نفسك تكون زي الروبوت هتتعب اوي لانك هتدخل في دوامة تفكير صعبه انا بقالي شهرين مرهق ..مرهق جدا لدرجة بقوم من النوم بالعافيه ومحتاج التزم بكل حاجه حواليا ان مكنتش مدرب علي ادارة الضغوط والوقت وجزئية انك تفصل في ثواني عن كل الاشياء عشان تعرف تركز علي المطلوب عمله هتتعب جدا عشان كده بقول لازم فالوقت ده تكون زي ال machine ... 😂انا مش عارف كتبت هنا ليه اصلا بس تقريبا كنت مضغوط الصبح جدا والفضفضة خرجت لوحدها عموما كما كنت خلاص ويارب الدنيا تكون حلوة ورايقه دايما 

ده نفس كلام دكتور إبراهيم الفقى الله يرحمه عيش كل لحظة كأنها أخر لحظة فى حياتك بمعنى أدى كل حاجه حقها ولكن بالمعقول يعنى انا دلوقتي حزين ومكتئب لكن عندى شغل غوص فى الشغل بقلب جامد وهو اللى هيخفف عنك حزنك طب انا فى وقت فرح بس فاقد الشغف قاوم نفسك وفرحها بالعافيه لما تعمل كده هتبقى professional مش machine تفرق وبرضو مش بقول نبقى ربوتات من حقنا يجى وقت نعمل لكل حاجه mute ونهدى على نفسنا  

عادى يابشمهندس فترة ضغط رخمه وبإذن الله تعدى كلنا بنوصل للمرحلة دى بس المهم تكون متأكد انها هتعدى وتيجي فترة تانية أسهل وايسر واسعد ربنا يقوينا جميعا ويعينا  

صح برافو يامودة اقصد جزء فقط من كلامك الجزء الاخر اللي عاوز اوضحهولكم مش فاهمني فيه حاول توصل بتفكيرك انك تقدر تتحول بسرعه تعمل كنترول في ثانيه بحيث تقدر تركز اسرع في كل الاتجاهات متسبش نفسك للتفكير الكتير والعاطفة ومشاعرك تتحكم فيك عشان تقدر تدير الضغوط اللي عندك وتخففها وتنبسط شويا  

😂☕الموضوع كبر ولا ايه انا ماشي بقه عشان اعمل كنترول دلوقتي من البرنامج ده احتسو القهوه واعتنقو الصمت 

🤣🤣🤣 اتفق مع وجهة النظر دى