Eng.'Mohamed''s Journal, 11 July 2023

🤣🤣🤣🤣🤣🤣 كله رايح  

ربنا يروق مزاجك دايما علشان تخس بمزاج رايق كدا 

🤣صح يامودة ..طالما كله رايح يبقه نروق دماغنا عشان نعرف نفكر 

🤣هههه امين يا اميرة يارب طول ما مزاجك رايق هتعمل اي حاجه انا مزاجي رايق تقريبا انهارده عشان روحت غيرت زيت للعربية😂😂😂😂 

وانا اقنعت ماما اتعلم السواقه ووافقت الحمد لله مش مصدقه  

انا كمان بخاف بس حابه اتعلم اوى لان بابا طبعا متوفى وعندنا عربيه خاصه بس ابن عمى هو طبعا اللى بيوصلنا بيها ف انا طلبت من ماما اتعلم من سنه لسه مقتنعه دلوقتي اتعلميها والله هتنفعك اكيد لظروف زوجك مش موجود حصل حاجه كل حاجه بتنفع  

الكومنت اتمسح يا أميرة انا زهقت قسما بالله اعمل المفروض ان الدعم قالولي ان المشكلة اتحلت لكن واضح انه لسه لانه علق فى نص اليوم ومكانش راضي يخليني اكتب كومنت  

بجد قرار صح جدا ربنا يحفظك انا بشجع عليه خاصة لما زوجى مرة تعب اوى ومكانش حتى قادر يقوم وطبعا احنا مغتربين ساعتها حسيت انى لو بعرف اسوق كنت عرفت اخده الطوارئ بس بخاف اعمل ايه انا امبارح واحنا راجعين بقوله براحه كده كتير قام قالى انا ماشي على سبعين هننام كده🤣🤣 

ولا يهمك احذفى الحساب ده واعملى واحد تانى  

شكلى هعمل كده انتى عارفه انا دخلت من بروفايلي بس مش التطبيق لا ليهم موقع على جوجل وبرضو مرضيش انى اعلق رخم  

لما تتعلمى اكيد هتلاقى الموضوع سهل وبسيط تعالى نتعلم في نفس الوقت خالى حتى زوجك هو اللى يعلمك ونبقى نسمع كدا اللى تعلمناه نشجع بعض 

زوجى يعلمني 🤣🤣🤣🤣🤣 انتى اكيد بتهزري مفيش رجل بيعلم مراته هنمسك فى شعور بعض خلينا حبايب احسن هو اصلا بيخاف على عربيته جدا بحسها ضرتي  

خلاص اكيد في مكان عندك مخصص لتعليم السواقه توكلى على الله واتعلمى ربنا يكتبلك الخير  

انا ملاحظة ان احنا واخدين بروفايل استاذ محمد صالون ومشكلتنا كانت هنا ورغينا برضو هنا عذرا 🤣🤣 

هحاول بس مش دلوقتي خالص انا داخلة على امتحانات الأكاديمية واختبار إجازة القران ومفرمة  

معلش هو لازم يستحملنا شويه وبعدين هو يطول احنا بنعمله اعلان لحسابه يفضل نشط كدا ومصحصح 

هههههه منورني والله انا برجع بس من الشغل برتاح شويا كده بس انا ضد المرأة انها تسوق بصفه عامة 🤣🤣🤣 عشان مش بنعرف نمشي منكم فالشارع 🤕😂 بس لا مانع تتعلمو عشان الطواريء 🙂🌿🎉 وفرحت بيكي جدا والله بسبب موضوع القرءان والإجازة رينا يقويكي انا من ضمن اهدافي اقدر احفظ القرءان بس مقصر شويا لكن بحاول فيه ربنا يوفقك يامودة وخطوات ممتازة يا اسماء اتعلمي والسواقه مش هتاخد منك وقت متخليش حد يخوفك منها هيا ممارسه فقط اتعلمو للطواريء✅  

ربنا يعينك ويوفقك يارب وتختم القران وبعدين الستات بتعرف تسوق جدا انتو بس شيلو العربيات والناس والرصيف 🤣 انا بقى فى الرياض لا رجالة ولا ستات بيعرفو يسوقو قسمابالله بشوف حالات تشل هى مشهورة اصلا ان اكتر نسب حوادث فيها للاسف